Sadayana
puji kagungan Alloh anu parantos ngamulyakeun BaniAdam, khususna para Ulama,
para Zahid, para Hakim, para Karim; sareng parantos munjulkeun Alloh khususna
pisan ka para Arifin, nyaeta anu parantos ma'rifat ka Dzat Alloh, ka
sifat-sifatNa, ka AsmaNa, sareng Alloh parantos marinan RASA ka aranjeuna kana
lezatna mahabbah, sareng Alloh parantos NINGALIKEUN ka aranjeuna kana Hakekatna
sakabeh perkara nu aya di Bumi sareng di Langit.
Rohmat
sareng Salam mugi tetep ka Jungjunan urang sadaya Kanjeng Nabi Muhammad S.A.W.
anu jadi pamungkas sadaya para Nabi, anu di jadikeun tina Nur Dzat Alloh,
sareng ti mantenna dijadikeunana sakabeh perkara.
Kitu
deui ka sadaya kulawargina sareng ka para sahabatna anu jadi pamingpin sadaya
para wali Alloh sareng ka sadaya para tabi'in , tabi'it-tabi'in dugi ka poe
Kiamat.
Dupi anu
dipimaksad dina ieu Blog, sim kuring seja silaturahmi sareng para Ikhwan.
Sateuacana
sim kuring bade neda dihapunten tina samudaya kalepatan tina perkawis susunan
basana atanapi merenahkeun kalimat dina ie blog; rumasa sim kuring sanes ahli
basa.
Kukituna
sim kuring nampi pisan tina sadaya kritikan anu sifatna ngabangun; khususna ka
para 'Ulama, mugi kersa ngalereskeunana. bilih aya kalepatan saba'da di
tafakuran, bari disarengan ku bashiroh.
Haturnuhun,
mugia Blog ieu mangfaat.
